Коронавируст халдварын нөхцөл байдлын талаар Эрүүл мэндийн яамнаас мэдээлж байна.
ХӨСҮТ-ийн албаны дарга Ж.Байгалмаа: Сүүлийн 24 цагийн байдлаар 17894 хүнд шинжилгээ хийхэд 128 хүнээс халдвар илэрлээ. Нийт батлагдсан тохиолдлын тоо 3833 боллоо. 122 нь ойрын хавьтлаас илэрлээ. 112 хүнээс анхны шинжилгээгээр, 10 хүнээс хоёрдахь давтан шинжилгээгээр коронавирусийн халдвар илэрсэн.
Дотоодод халдвар авсан хүний тоо 3961 боллоо. Үүнээс 3001 хүн эдгэрээд байна.
5 тохиолдлын халдварын эх үүсвэрийг олохоор судалж байна. Эдгээр тохиолдол Баянзүрх дүүргийн 5 дугаар хороо, Чингэлтэй дүүргийн 4 дүгээр хороо, Сүхбаатар дүүргийн 11 дүгээр хороо болон Сонгинохайрхан дүүргийн 7 дугаар хороонд оршин суудаг бөгөөд ойрын хавьтлуудыг тусгаарласан.
Улаанбаатар хотод халдварын тохиолдол 127-оор нэмэгдсэнээр батлагдаад буй тохиолдлын тоо нийт 3,085 болсон. Харин зөөвөрлөгдсөн тохиолдлын тоо нэгээр нэмэгдсэнээр 423 боллоо. Сүүлийн 24 цагт 46 хүн эдгэрсэн.
Биеийн байдал нь нэн хүнд 2, хүндэвтэр 42, хүнд 6 хүн, хөнгөн 811 байна.
