Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг ХӨСҮТ-өөс танилцууллаа. Сүүлийн 24 цагийн байдлаар 12.039 хүнд шинжилгээ хийхэд 13 хүнд халдвар илэрсэн байна. Эдгээрээс 2 нь ХӨСҮТ-ийн ажилтан эмч, ариутгагч байна.
Харин 7 нь Бэлхийн задгай, Дамба орчмын нийтийн байрнаас бүртгэгдсэн. Нэг гудамж, нийтийн байрнаас гарсан коронавирусын эх уурхайг эрэн сурвалжлах явцад нэг гэр бүлийн 3 хүн үсчинд үсээ засуулснаас халдвар авсан байна. Тухайн үсчин нь 17-18-нд коронавирус батлагдсан. Харин тухайн нэг гэр бүлийн 3 хүн 17-нд үсээ засуулсан байна.
Сүхбаатар дүүргийн 45-р байранд халдвар бүртгэгдсэнтэй холбоотой байрны 121 хүнд шинжилгээ хийхэд хариу сөрөг гарсан. Дамбадаржаа орчмын 592 иргэнээс шинжилгээ авсан, эхний шинжилгээ сөрөг гарсан. 14 хоногийн дараа давтан шинжилгээ хийнэ.
Тиймээс иргэдэд үйлчилж байгаа үйлчилгээний байгууллагууд халдварын сэргийлэлт, хяналтын ажлыг маш сайн баримтлахгүй бол халдвар тараах эрсдэл маш өндөр байна гэдгийг ХӨСҮТ-ээс сэрэмжлүүллээ.
