АТГ-аас Хөгжлийн банкны чанаргүй зээлдэгчдийг мөрдөн шалгах ажиллагаа эхэлсэн талаар мэдээлэл хийлээ. Энэ үеэр Хөгжлийн банкны чанаргүй зээлүүдийг эргэн төлүүлэхийн тулд 13 дансыг хааж, 186 үл хөдлөх хөрөнгө, 124 тээврийн хэрэгсэл, нэг үйлдвэрийн барилга, нэг лицензийг битүүмжлэн, хязгаарлалт тогтоосон талаар хэллээ. Жишээлбэл, “Хөтөл”, “Бэрэн”, “Ачлалт трейд”, “Гантиг Вилла” төсөл гэх мэт.
УИХ-ын гишүүн Б.Ундармаагийн хамаарал бүхий “Гантиг Вилла” хотхоны есөн блок нь Хөгжлийн банкны барьцаанд байгаа аж. Мөн хуулийн байгууллагын хязгаарлалт тогтоосон байна.
Иргэдэд анхааруулахад, хөдлөх болон үл хөдлөх хөрөнгө худалдан авахдаа эх үүсвэрийг нь болон банкны барьцаанд бий эсэхийг нь болон хуулийн байгууллагын хязгаарлалт тогтоосон эсэхийг нягтлах хэрэгтэй.
