Эрүүл мэндийн яамны ахлах шинжээч Д.Нарангэрэл дархлаажуулалтын талаар мэдээлэл өглөө.
Тэрбээр “Вакцин бол халдварт өвчнөөс сэргийлэх шидэт ерөндөг гэж дэлхий дахинд үздэг. Хэрэв вакцин байхгүй, дархлаажуулалтад хамрагдаагүй байсан бол дэлхий дээр байгаа 6 тэрбум хүний тал нь буюу 3 тэрбум хүн байхгүй байх байсан. Тийм учраас хүн амын өсөлт, нийгмийн эрүүл мэнд, эдийн засагт хамгийн их гавьяа байгуулсан зүйл бол дархлаажуулалт буюу вакцин.
Вакцин гарснаас хойш 230 жилийн хугацаанд 20 гаруй өвчнөөс урьдчилан сэргийлж байна. Сахуу, татран, мененгет гээд олон өвчнөөс урьдчилан сэргийлж, жилдээ 2 сая гаруй хүний амийг аварч байгаа мэдээлэл бий. Манай улс ч гэсэн вакцины арвин түүхтэй. 1921 оноос хойш хүүхдийн дархлаажуулалтыг хийж эхэлснээс хойш 100 жил өнгөрч байна.
Хэрэв халдварын вирусийг бороо гэж үзвэл шүхэр нь вакцин юм. Бороонд шүхэргүй гарвал юу болох нь тодорхой.
Жил гаруйн хугацаанд коронавирусийн эсрэг вакциныг дэлхий дахинд бүтээлээ. Одоогоор 5 вакциныг ДЭМБ яаралтай горимоор бүртгэж, дэлхий нийт хэрэглэж байна. Манай улс ч мөн яаралтай горимоор бүртгэгдсэн вакциныг хэрэглэж байна. Дархлаажуулалтад хамрагдсанаар цар тахлын хүндрэлээс өөрийгөө хамгаална, урьдчилан сэргийлнэ.
Вакцин бол био бэлдмэл. Тиймээс ямар нэгэн хэмжээгээр хариу урвал гардаг. Гэхдээ энэ бол байх зүйл* гэлээ.
