Улсын Онцгой комиссоос “Нэг хаалга-Нэг шинжилгээ* явцын талаар мэдээлэл хийлээ. Хоёрдугаар сарын 21-ний өдөр нийтдээ 36903 хүнд шинжилгээ хийхэд 55 хүнээс covid-19 илэрлээ. Эдгээр 55 хүний 24 хүн нь “Нэг хаалга-нэг шинжилгээ*-нээс илэрсэн байна. Ингээд нийтдээ “Нэг хаалга-нэг шинжилгээ*-нээс 102 тохиолдол илрээд байгаа юм. 50 нь анхны тохиолдлууд бол 52 нь ойрын хавьтлууд байна.
Өчигдөр Баянзүрх дүүрэгт 32.000 өрхийг шинжилгээнд хамруулахаар төлөвлөсөн ч 51.275 өрхийн төлөөллөөс шинжилгээ авснаар “Нэг хаалга-нэг шинжилгээ* аян дуусгавар болж байгаа аж.
“Нэг хаалга-нэг шинжилгээ*-нд хамрагдаж чадаагүй өрхүүдээс явуулын баг шинжилгээ авч байгаа. Өнөөдөр Сонгинохайрхан, Хан-Уул дүүргийн шинжилгээнд хамрагдаагүй өрхүүдээс авч байна. Баянзүрх хамгийн их хүн амтай. Мөн хаягийн бүртгэл хийлгэж амжаагүй өрхүүд бий гэх мэт олон шалтгааны улмаас дахин самналт хийж, шинжилгээнд хамруулах ажил хийгдэж байгаа юм байна.
