Монгол улсын Засгийн газраас 2022 оныг “Хоршооны хөгжлийг дэмжих жил* болгон зарлан ажиллаж байгаа билээ. Энэ ажлын хүрээнд Хэнтий аймгийн Баян-овоо суманд “Баялаг гүрэм” загвар хоршоог байгуулан хөгжүүлж ажилласаны хүрээнд дотоодын томоохон үйлдвэр болох “Сор кашимер” ХХК-д хоршоо гишүүдийнхээ бэлтгэсэн ноолуурыг сумаасаа биржийн арилжаанд шууд оролцон худалдан борлуулсан.
Мөн биржийн байнгын гишүүн болох Төв аймгийн “Хонгор арвижих” хоршоо ноолуураа сумаасаа биржийн арилжаанд оролцож худалдан борлуулсан юм. Энэ бүхэн хоршиж ажиллаад хоршооноосоо арилжих бүрэн боломж дүүрэн байгааг илэрхийлж байна.
