Португалийн шигшээ багийн довтлогч Криштиану Роналду болон түүний эхнэр Жоржина Родригес нар өнгөрсөн оны 10-р сард ихэр хүүхэд хүлээж байгаагаа зарласан бөгөөд Даваа гарагт хоёр хүүхдийн нэг нь нас барсан талаар мэдэгджээ. Энэ талаар тэд өөрсдийн албан ёсны сошиал хуудастаа мэдээлж “Бидний хүү нас барсанг мэдэгдэж байгаад гүнээ харамсаж байна. Энэ бол ямар ч эцэг эхийн мэдэрч чадах хамгийн том өвдөлт” хэмээн бичжээ.
Тэд “Охин маань төрсөн нь л энэ мөчийг ямар нэгэн итгэл найдвар, аз жаргалтай амьдрах хүчийг өгч байна” гэжээ. Ийм хүнд үед мэргэжлийн үүднээс тусалж дэмжсэн эмч, сувилагч нартаа баярлалаа. Бид бүгд ийм хохирол амсаад маш их сэтгэлээр унасан бөгөөд энэ хүнд хэцүү цаг үед бидний хувийн амьдралд хүндэтгэлтэй хандахыг та бүхнээс гуйж байна. Бидний бяцхан хүү минь, чи бол бидний сахиусан тэнгэр. Бид чамайг үргэлж хайрлах болно” гэжээ.
Дэлхийн таван удаагийн шилдэг тоглогч 37 настай Роналдо өнгөрсөн жил Реал Мадрид болон Ювентус багуудын хамт олон цом хүртсэнийхээ дараа Манчестер Юнайтедад эргэн ирсэн билээ.
Эх сурвалж: https://www.reuters.com/
