Монголын эдийн засгийн чуулганы урьдчилсан хэлэлцүүлгүүд Шинэ сэргэлтийн зургаан бодлогын хүрээнд зохион байгуулагдаж байна. “Аж үйлдвэржилтийн сэргэлт” урьдчилсан хэлэлцүүлэгт “Хөнгөн, хүнсний үйлдвэрийн хөгжлийн бодлого” сэдвээр ХХААХҮ-ийн сайд З.Мэндсайхан илтгэл тавилаа.
Тэрбээр, Шинэ сэргэлтийн бодлогын хүрээнд хөнгөн үйлдвэрлэлийг хөгжүүлэхийн тулд:
-Малын гаралтай түүхий эдийн нөөцтэй уялдуулан боловсруулах үйлдвэрийн хүчин чадлыг нэмэгдүүлэх
-Ноолуурын боловсруулалтын түвшинг үе шаттайгаар нэмэгдүүлэхээр ажиллаж байна гэв.
Мөн Шинэ сэргэлтийн бодлогын хүрээнд хүнсний үйлдвэрлэлийг хөгжүүлэхийн тулд:
-Гол нэрийн хүнсний бүтээгдэхүүнийг дотоодын үйлдвэрлэлээр 100 хувь хангах, 2022 онд хүнсний ногоо, жимс, жимсгэнэ, тосны ургамлын тариалалтыг нэмэгдүүлэх, цаашид эрчимжсэн мал аж ахуйг хөгжүүлэх, тахиа, загасны аж ахуйг нэмэгдүүлэх
-Төмс, хүнсний ногоо, жимс жимсгэнэ, махыг тариан талбай, малчны хотхоноос шууд хэрэглэгчдэд хүргэх боломжгүй тул хадгалалт борлуулалтын цогцолбор байгуулах
-Экспортыг нэмэгдүүлэх зорилгоор махны үйлдвэр, хорио цээрийн бүс бүхий цогцолбор байгууламж барих, технологийн шинэчлэл хийх
-Шинжлэх ухаанд суурилсан шим тэжээллэг хүнс үйлдвэрлэх зорилгоор хүнсний үйлдвэрлэл, технологийн парк байгуулах зорилтуудыг дэвшүүлээд байна гэсэн юм.
