Хэрэглээний бараа, үйлчилгээний үнэ Улаанбаатар хотод 2021 оны 11 дүгээр сард өмнөх сараас 1.5 хувь, өмнөх оны эцсээс 12.0 хувь, өмнөх оны мөн үеэс 10.0 хувиар өслөө. Хэдийгээр орон сууц, ус, цахилгаан, хийн болон бусад түлшний бүлгийн үнэ 3.0 хувиар буурсан хэдий ч
- Хүнсний бараа, ундаа, усны бүлгийн үнэ 19.1 хувь
- Согтууруулах ундаа, тамхины бүлгийн үнэ 7.0 хувь
- Эм тариа, эмнэлгийн үйлчилгээний бүлгийн үнэ 7.2 хувь
- Зочид буудал, нийтийн хоол, дотуур байрны үйлчилгээний үнэ 14.3 хувь
- Тээврийн бүлгийн үнэ 20.4 хувиар тус тус өссөн нь голлон нөлөөлжээ.
Улаанбаатар хотод худалдаалагдаж буй үхрийн цул 1 кг махны дундаж үнэ 2021 оны 11 дүгээр сард 14990 төгрөг болж
- 2018 оны 11 дүгээр сараас 60.3 хувь
- 2019 оны 11 дүгээр сараас 13.1 хувь
- 2020 оны 11 дүгээр сараас 15.7 хувиар
- 2020 оны эцсээс 19.4 хувь буюу 2438 төгрөгөөр тус тус өсөж, харин өмнөх сараас 100 төгрөгөөр буурсан байна.
Үхрийн ястай 1 кг махны дундаж үнэ 2021 оны 11 дүгээр сард 13342 төгрөг болж
- 2018 оны 11 дүгээр сараас 66.7 хувь,
- 2019 оны 11 дүгээр сараас 32.1 хувь,
- 2020 оны 11 дүгээр сараас 20.5 хувиар,
- Өмнөх оны эцсээс 19.0 хувь буюу 2133 төгрөг, өмнөх сараас 0.5 хувь буюу 65 төгрөгөөр тус тус өссөн байна.
Хонины ястай 1 кг махны дундаж үнэ 2021 оны 11 дүгээр сард 10773 төгрөг болж
- 2018 оны 11 дүгээр сараас 61.1 хувь,
- 2019 оны 11 дүгээр сараас 39.8 хувь,
- 2020 оны 11 дүгээр сараас 24.8 хувь,
- өмнөх оны эцсээс 25.6 хувь буюу 2194 төгрөгөөр, өмнөх сараас 2.1 хувь буюу 233 төгрөгөөр тус тус өссөн байна.
Нэг литр АИ-92 бензиний дундаж үнэ 2021 оны 11 дүгээр сард 2151 төгрөг болж,
- 2018 оны 11 дүгээр сараас 8.7 хувь,
- 2019 оны 11 дүгээр сараас 17.1 хувь,
- 2020 оны 11 дүгээр сараас 50.2 хувь,
- өмнөх оны эцсээс 50.2 хувь буюу 718 төгрөгөөр, өмнөх сараас 103 төгрөгөөр тус тус өссөн байна
