Шинэ коронавирусийн халдварын өнгөрсөн 24 цагийн нөхцөл байдлын талаарх мэдээллийг хүргэж байна.
Засгийн газрын Олон нийттэй харилцах газрын дарга Ц.Ганзориг: “Нэг хаалга-нэг шинжилгээ аян*-ы хүрээнд энэ сарын 11, 12-нд нийт 91 мянган хүнээс PCR шинжилгээ авахад нийт 2 тохиолдол илэрлээ. ХӨСҮТ-ийн тусгаарлах байранд байсан иргэдээс өчигдөр 40, өнөөдөр 46 тохиолдол илэрсэн.
Нийт 86 тохиолдлын 4.6 хувь нь буюу дөрвөн хүн нь тандалтын зорилгоор хийсэн шинжилгээнээс илэрлээ. Тархвар судлаачдын үзэж байгаагаас массын дунд халдварын тархалт харьцангуй нам жим байдалтай байна гэж үзэж болохоор байна. Иргэд халдвар хамгааллын дэглэмээ баримталж байгаагийн илрэл болов уу.
12 өдрийн турш 412 мянган өрхөөс шинжилгээ авч халдварын голомтуудыг хумина. Улаанбаатар хотын хэмжээнд 115 голомт байна. Тандалт судалгаагаар гурван шинэ голомт илэрсэн
