Эрүүл мэндийн яамны ээлжит мэдээллийн цаг боллоо. Мэдээллийн эхэнд ХӨСҮТ-ийн албаны дарга Ж.Байгальмаа коронавирусийн халдварын шинжилгээ, тархалтын нөхцөл байдлын талаар танилцууллаа.
Тэрбээр “Монгол Улсын хэмжээнд нийтдээ 2207 батлагдсан тохиолдол бүртгэгдсэн байна. Үүнээс 1618 тохиолдол нь эмчлэгдэж эдгэрсэн. Сүүлийн 24 цагт шинээр 33 тохиолдол нэмж бүртгэгдлээ. Мөн хугацаанд 34 хүн эдгэрч, гарлаа.
Өдөрт дунджаар 20.000 шинжилгээ хийж байна. Хийгдсэн шинжилгээний эерэг илэрсэн хувь нь 0.15 хувь байна.
ХӨСҮТ болон Цэргийн төв эмнэлэгт 568 хүн эмчлүүлж байна. Нас барсан 4 хүн байна. Биеийн байдлыг үнэлбэл
- Маш хүнд 1
- Хүнд 2
- Хүндэвтэр 88
- Хөнгөн 477 хүн байна.
Өнгөрсөн 24 цагт бүртгэгдсэн 33 тохиолдлын
- БГД-т 2
- БЗД-т 13
- Налахай дүүрэгт 3
- Сонгинохайрхан дүүрэгт 5
- Хан-Уул дүүрэгт 5 дүүрэгт бүртгэгдсэн байна.
29 нь хавьтал судлалаар 4 нь шинэ голомтоос илэрчээ.
