ЭМЯ-ны Ахлах шинжээч Д.НАРАНГЭРЭЛ: 2021 оны 01 дүгээр сарын 11-нээс эхлэн нийслэл хот өндөржүүлсэн бэлэн байдлын зэрэглэлийг бууруулж байна. Энэ үед маш олон албан байгууллагууд үйл ажиллагаагаа эхэлнэ. Тиймээс коронавирусын халдварын тархалтыг нэмэгдүүлэхгүй, хүн амын дунд тахалт тархалт гаргахгүй байхын албан байгууллага, хувь хүмүүс бүгд сайн анхаарах хэрэгтэй байна. Албан байгууллагууд өнөөдрөөс эхлэн эхний ээлжинд цэвэрлэгээг сайтар хийж, цонхоо онгойлгож, бүх сандал, ширээгээ ариутгагчаар арчиж цэвэрлэх хэрэгтэй.
Маргааш ажил эхлэхэд бүх ажилчид амны хаалт зүүж, биеийн халууныг үзээд, нийт ажилчдын 30 хувь өрөө тасалгаанд ажиллах, 70 хувь нь цахимаар ажиллах нөхцөл боломжийг бүрдүүлнэ. Нэг хамт олны дунд халдварын тархалт өндөр байгаа тул аль болох олноор нь ажиллуулахгүй байхыг анхаарвал зохино.
Цайны газар, ресторанууд ширээ сандлаа 1.5-2 метрийн зайтай байж, нэг ширээнд нэг хүн суухаар зохицуулна. Ингэхдээ 15 минут суулгах шаардлагатай. Ихэнх үйлчилгээг хүргэлтээр хэрэглэхээр зохицуулна. Мөн тусгаарлах өрөөг гаргах шаардлагатай. Бүх ажилчдаасаа PCR шинжилгээ минутаас дээш хугацаагаар байлгахгүй. Ер нь ихэнх үйлчилгээг боож, савлаж, гадагш нь өгч явуулах хэрэгтэй. Харин амны хаалтаа сайтар зүүж, гараа ариутгаж, хүн хоорондын зайг баримтлах нь чухал.
