Нийслэлийн Баянгол дүүргийн 5,6 дугаар хороонд коронавирусын голомтын халдвар илрүүлэх шинжилгээ хийж байгаа билээ. Нийтдээ 18584 хүнд шинжилгээ хийсэн. Үүнээс 13262 хүний шинжилгээний хариу гарч, 6 батлагдсан тохиолдол гарсан. Энэ зургаан тохиолдол нь өвчлөл голомтлон гарч байгаа 65 дугаар байр, 12 дугаар байруудын хавьтлуудын давтан шинжилгээнээс коронавирус илэрсэн талаар ЭМЯ-наас мэдээллээ.
Сүүлийн өдрүүдэд “Ачтан элит клиник” эмнэлэг, “Мөнххада” компанийн голомттой холбоотой гэр бүлийн, Баянгол дүүргийн дөрвөн орон сууцны орцны голомтолсон жижиг багц халдвар илэрч байна. Энэ бол идэвхтэй хяналтад байна. Үүнд, “Ачтан элит клиник” эмнэлгийн ажилчдын сууц болон Баянгол дүүргийн зургадугаар хорооын 67, 12, 65, 43 дугаар байр орж байна.
Ард иргэддээ анхааруулахад баяр ёслолоор хамтарч айл хэссэн, нийлж баяр тэмдэглэсэн байна. Цаашдаа ард иргэд бөөгнөрөл үүсгэхгүй байх, олуулаа нийлж ямар нэгэн үйл ажиллагаа зохион байгуулахгүй байхыг ЭМЯ-наас анхаарууллаа. Мөн мэргэжлийн байгууллагаас өгч буй зөвлөгөөг ягштал баримталахыг анхаарууллаа.
Халдварын байдлыг харахад нэг гэр бүлээрээ, эсвэл хэсэг бүлгээрээ нийлж арга хэмжээ зохион байгуулсан байна.
