tsenzuurmn
Монгол Улсын Ерөнхийлөгчийн санаачилгаар гол нэрийн 19 төрлийн хүнсний бүтээгдэхүүнээр хэрэгцээгээ бүрэн хангаж, мал аж ахуй, газар тариалангаа эрчимжүүлэн хөгжүүлэх зорилтын хүрээнд “Хүнсний хангамж, аюулгүй байдал” үндэсний хөдөлгөөний орон даяар өрнүүлж буй. Тус хөдөлгөөнийг эрчимжүүлэх, иргэдийн оролцоог нэмэгдүүлэх зорилгоор нээлтийн арга хэмжээг 21 аймагт хэсэгчлэн зохион байгуулж байна.
Тэгвэл нийслэлд өрнүүлж буй “Хүнсний хангамж, аюулгүй байдал” үндэсний хөдөлгөөнийг арваннэгдүгээр сарын 16–ны 10:00 цагаас Соёлын төв өргөөнд нээхээр боллоо. Энэхүү арга хэмжээнд Монгол Улсын Ерөнхийлөгч, Хүнс, хөдөө аж ахуй, хөнгөн үйлдвэрийн яам, НИТХ-ын дарга, төлөөлөгчид, нийслэл, дүүрэг, хороодын Засаг дарга, ТББ-ууд, иргэд, аж ахуйн нэгж, байгууллагын төлөөлөл зэрэг 1200 хүн оролцоно. Нээлтийн үеэр үндэсний хөдөлгөөний зорилго, хүлээгдэж буй үр дүн, хэрэгжүүлэх арга хэмжээний талаар мэдээлэл өгөх, мөн гол нэр төрлийн хүнсний бүтээгдэхүүн үйлдвэрлэгч 10 аж ахуйн нэгжийн бүтээгдэхүүнийг сурталчлан таниулах үзэсгэлэн худалдааг зохион байгуулна.
НИЙСЛЭЛИЙН ХҮНС, ХӨДӨӨ АЖ АХУЙН ГАЗАР
0 cэтгэгдэлтэй