Нийслэлийн “Жижиг, дунд үйлдвэр, үйлчилгээг дэмжих төв” НӨҮГ-аас Үндэсний цэцэрлэгт хүрээлэнд “Жаргалтай инээмсэглэл” үзэсгэлэн арга хэмжээг зохион байгууллаа. Энэ арга хэмжээг 2 өдөр зохион байгуулж байгаа бөгөөд үзэсгэлэн худалдаанд нийслэлийн 9 дүүргийн жижиг дунд үйлдвэрлэл эрхлэгчид оролцож байгаа юм байна.
Үйлдвэрлэл эрхлэгчдийн бараа бүтээгдэхүүнийг таниулах, сурталчлах зорилгоор зохион байгуулагдаж байгаа эл үзэсгэлэн худалдааг өнгөрсөн сарын 26-наас эхлэн зохион байгуулсан бөгөөд амралтын өдөр бүр бүх дүүрэгт гарч байгаа аж.
Энэхүү үзэсгэлэн худалдаа 6 дугаар сарын 26 хүртэл зохион байгуулагдана. Үзэсгэлэн худалдаанд оролцож бараа бүтээгдэхүүнээ борлуулах хүсэлтэй үйлдвэрлэл эрхлэгчид өөрийн дүүргийн Жижиг дунд үйлдвэрийн төвд хандах бүрэн боломжтой юм байна.
