Улсын Гуравдугаар төв эмнэлгийн захирал Ц.Төмөр-Очир: Нийт хэвтэн эмчлүүлж буй хүмүүсийн 18-20 хувь нь нэн хүнд өвчтөн байна.
Нөхцөл байдал хүнд хэвээр, нас баралт төдийлөн буурахгүй байна. Үүний нэг шалтгаан нь архаг суурь өвчтэй хүмүүсийн дархлаажуулалтад хамрагдах нь хангалтгүй, мөн иргэд халдвар хамгааллын дэглэмээ сайтар баримтлахгүй байгаатай холбоотой юм.
Эрүүл мэндийн сайдын тушаалаар эмнэлзүйн зөвлөх баг ажиллаж байна. Зөвлөх баг ковид-19-ийн оношилгоо, зөвлөмжид үндэслэж заавруудыг шинэчилж боловсруулдаг.
Халдвар хамгааллын дэглэмийг иргэд мөрдөж хэвших хэрэгтэй. Нэг хүн шинжилгээ хийлгэхээ ирэхэд хамт 4-5 хүн дагаж эмнэлэгт ирдэг. Эмнэлэг бол эрүүл мэндийн байгууллага. Халдварын хамгийн эрсдэл өндөртэй газар юм. Нэн шаардлагатай хүнийг л хүмүүс дагаж явах хэрэгтэй. Эрсдэл өндөртэй, суурь өвчтэй, өндөр настай хүмүүс гуравдугаар тунг заавал хийлгэх шаардлагатай.
