Нийслэлийн иргэдийн зорин очиж, хөдөлгөөн нэмж буй “Өглөөний гудамж”-нд зуны дулаан цагийг үдэх тусгай хөтөлбөрт үйл ажиллагаа болох юм байна. Тус өдөрлөг өнөөдөр /2021.9.10/ 14:00 цагаас эхлэнэ. Хүн бүрд нээлттэй бөгөөд ямар нэгэн тасалбаргүй болохыг зохион байгуулагчид онцлов.
“Back to school” өдөрлөгийн зорилго нь их хотын залуусын нэг өдрийг сонирхолтой өнгөрүүлэх, чөлөөт цагаа зөв боловсон зарцуулахад чиглэжээ. Олон нийтийн сүлжээнд #Byesummer, #Noalcohol, #Notax, #Backtoschool гэх хаштаг дор залуусыг нэгдэхийг уриалжээ. Өнөөдөр болох үйл ажиллагаанд хамтлаг, дуучид болон комедиан нар болон DJ нар уран бүтээлээ хүргэх аж.
Цагийн хязгаартай, автомашингүй жишиг гудамж бий болгох үүднээс эртэч, ажил хэрэгч иргэдэд зориулж “Өглөөний Улаанбаатар” гудамжийг санаачлан дүүрэг бүрд байгуулахаар ажиллаж буй. Тэгвэл энэ удаагийн арга хэмжээ хамгийн эхний бүтээн байгуулалт болох Жуулчны гудамж буюу хуучнаар гутлын 22 дугаар байрны урд зам дээр зохион байгуулагдах юм байна.
