ЭМЯ-ны хэвлэлийн ажилтан Б.Ууганбаяр: Монгол Улсад сүүлийн 24 цагт 1311 хүнд халдвар илэрлээ. Нийт батлагдсан тохиолдлын тоо 24.195 боллоо. Мөн хугацаанд 459 хүн эдгэрч, эмнэлгээс гарчээ. Ингэснээр нийт эдгэрсэн хүмүүсийн тоо 12.860 боллоо.
Сүүлийн 24 цагт 2 хүн нас барлаа. Ингэснээр коронавирусийн шалтгаант нас баралт 51 боллоо. 75 настай эрэгтэй 2021.04.15-нд Улсын төв эмнэлэгт ирсэн боловч удалгүй нас барлаа. 83 настай эрэгтэй Завхан аймагт нас барлаа.
Улаанбаатарт 1214 тохиолдол нэмж бүртгэгдсэнээр нийт 20.857 боллоо. Эдгээр нь батлагдсан тохиолдлуудын ойрын хавьтлууд юм. Орон нутагт 97 тохиолдол бүртгэгдлээ.
Одоогоор 3520 хүн эмчлүүлж байна. Биеийн байдлыг үнэлбэл,
- Хөнгөн 2278
- Хүндэвтэр 926
- Хүнд 253
- Маш хүнд 63 хүн байна.
Хөнгөн хэлбэрээр өвчлөн гэртээ тусгаарлагдаж байгаа иргэдэд өрхийн эрүүл мэндийн төвөөс хяналт тавьдаг.
