Коронавирус халдварын нөхцөл байдлын талаар ЭМЯ-ны хэвлэлийн ажилтан Б.Ууганбаяр танилцууллаа.
Тэрбээр “Дэлхийн зарим оронд коронавирусийн 4 дэх давалгаа үргэлжилж байна. Сүүлийн 24 цагт дэлхийн 13 улсад 7474.219 иргэн халдвараар өвчилжээ. Энэ нь өмнөх өдрөөс 100.000 тохиолдлоор нэмэгдсэн үзүүлэлт юм. Дэлхий дахинд хоногт 11.7466 хүн нас барсан бол 577.693 хүн эдгэрчээ.
Монгол Улсын хувьд сүүлийн 24 цагт 885 хүнд халдвар илэрлээ. Нийт батлагдсан тохиолдлын тоо 16.603 боллоо. Мөн хугацаанд 371 хүн эдгэрч эмнэлгээс гарснаар нийт эдгэрсэн хүний тоо .. боллоо. Нэг зөөвөрлөгдсөн тохиолдол бүртгэгджээ.
2 хүн нас барлаа. 20 настай, 61 настай эрэгтэй нас барлаа. Сүүлийн 7 хоногт 10 гаруй хүн нас барлаа.
Улаанбаатарт 836 тохиолдол нэмж бүртгэгдсэнээр нийт 12.557 боллоо. Орон нутагт 48 тохиолдол бүртгэгдлээ.
Одоогоор 2663 хүн эмчлүүлж байна. Биеийн байдлыг үнэлбэл,
- Маш хүнд 20
- Хүнд 127
- Хүндэвтэр 610
- Хөнгөн 1910 хүн байна.
