Монгол Улсын Засгийн газраас хатуу хөл хорио тогтоохтой зэрэгцэн иргэн бүрд 300 мянган төгрөгийн дэмжлэг үзүүлэх шийдвэр гаргасан. 300 мянган төгрөгийг шийдвэр гаргасан оройноос эхлэн иргэдийн данс руу шилжүүлж эхэлсэн. Харин цөөн тооны хүн аваагүй үлдсэн байгаа юм. Тэгвэл үлдсэн хүмүүс хэрхэн мөнгөө авах талаар Сангийн сайд Б.Жавхлан өөрийн цахим хуудсаараа мэдээлэл өгчээ.
Монгол улсын иргэн та хэрэв 300,000 төгрөгөө аваагүй байгаа бол:
1. 18 нас хүрсэн Монгол улсын иргэн,
2. Тэтгэврийн насанд арай хүрээгүй,
3. Одоогийн байдлаар Монгол улсын төрөөс ямар ч төрлийн халамж авдаггүй,
4. Гадаадад удаан хугацаагаар амьдарч байгаа, эх орондоо ирээгүй байгаа,
5. Ибаримт-д /www.ebarimt.mn/ бүртгэл үүсгээгүй, НӨАТ-ын буцаан олголт авдаггүй,̆
6. Төрийн алба хаагчийн цалингийн сүлжээнд байхгүй,
7. Малчны А дансаа бүртгүүлээгүй,
8. 1072 хувьцаанаас ямар нэг байдлаар хоцорсон, ногдол ашиг авч байгаагүй байх нь.
Тиймээс та уг нэг удаагийн дэмжлэгээ авахыг хүсч байвал дэлхийн хаанаас ч интернет ашиглан Ибаримт /www.ebarimt.mn/ системд бүртгүүлж шинээр бүртгэл үүсгэхэд өөрийн дотоодын /Монгол улс/ банкны дансандаа хүлээн авна.
Хэрэв та дээрх заавраар бүртгүүлсэн л бол “минийх хэзээ орох вэ, хэнд хандах вэ* гэж асуух шаардлагагүй, зүгээр л 1-2 хоног хүлээх хэрэгтэй шүү.Одоогоор 2 ажлын өдөрт нийт хүн амын 85% нь хүлээж аваад байна.
Өчигдөр, өнөөдөр амралтын өдөр таарлаа. Маргаашнаас хөл хорионоос үл хамаарч гүйлгээ үргэлжилж хийгдэнэ. 7-10 хоногт багтааж дуусгахаар ажиллаж байна.
ТА ЭРҮҮЛ МЭНДЭЭ ХАМГААЛЖ, ДАРХЛААГАА ДЭМЖЭЭРЭЙ!Жич: аливаа өр зээлэнд огт суутгах ёсгүй шүү гэжээ.
