ЭМЯ-наас коронавирусийн халдварын талаарх өнгөрсөн 24 цагийн мэдээллийг хүргэж байна. Сүүлийн 24 цагт дэлхий дахинд 747.2 мянган иргэн шинээр коронавирусийн халдвар авч, халдвар авсан хүний тоо 134 сая хүрлээ.
Монгол Улсын хувьд сүүлийн 24 цагт 831 хүнд халдвар илэрлээ. Нийт батлагдсан тохиолдлын тоо 15.014 боллоо. Нэг зөөвөрлөгдсөн тохиолдол бүртгэгджээ.
Мөн хугацаанд 284 хүн эдгэрч эмнэлгээс гарснаар нийт эдгэрсэн хүний тоо 9.159 боллоо. Мөн 101 хүн гэрийн ажиглалтаас эдгэрлээ.
Эмнэлгээс шалтгаалах халдвар 3 бүртгэгдэж, нийт 74 боллоо.
Улаанбаатарт 765 тохиолдол нэмж бүртгэгдсэнээр нийт 12.557 боллоо. Орон нутагт 66 тохиолдол бүртгэгдлээ.
Өчигдөр хоёр хүн коронавирусийн халдварын улмаас нас барж, энэ шалтгаанаар нас барсан хүний тоо 22-т хүрлээ. Мөн халдвар авсан нэг хүн хорт хавдрын шалтгаанаар нас барлаа.
Сүүлийн 24 цагт халдвар авсан хүний 212 нь эмнэлэгт, 377 хүнийг гэрт нь тусгаарлан ажиглаж байна.
