Дэлхийн улс орнууд жил бүрийн 3 дугаар сарын 27-ныг “Олон улсын театрын өдөр” болгон тэмдэглэдэг уламжлалтай. Жил бүрийн энэ өдөр дэлхийн өнцөг булан бүрт буй театрын урлагийн уран бүтээлчид хийгээд театрын урлаг сонирхогчдын баярын өдөр юм.
Улсын драмын эрдмийн театрын 90 жилийн ой болон Олон улсын театрын өдрийг угтан нийт уран бүтээлчдийнхээ дунд Монгол улсын Хөдөлмөрийн баатар, Төрийн шагналт, Ардын жүжигчин Г.Гомбосүрэнгийн нэрэмжит “Театр 90- Монолог 2021” уралдааныг зарласан билээ.
Уралдааны тусгай байрын шагналт бүтээл Д.Маам “Гишгэх газаргүй хөл* Төр-Энхийн монолог УДЭТ-ын жүжигчин СТА Г.Алтангэрэл
Монолог гэж юу вэ? Хүний сэтгэл дотор хичнээн БИ оршиж өөр хоорондоо зөрчилдөж байдаг. Тэр олон БИ нэг шийдвэрт хүрч чадахгүй болохоор ҮЗЭГЧ ТАНД ханддаг. Үзэгчдэд хандсан сэтгэлийн өчлийг МОНОЛОГ хэмээнэ. /Н.Ганхуяг/
