Коронавируст халдварын нөхцөл байдал хүндэрч байгаатай холбогдуулан Ерөнхий сайдын өгсөн чиглэлийн дагуу УОК хуралдлаа. Тус хуралдаанаас гарсан шийдвэрийг танилцуулан албаныхан мэдээлэл хийлээ.
Эрүүл мэндийн яамны зүгээс 14 хоног хатуу хөл хорио тогтоох санал гаргаад буй. Харин Улсын онцгой комиссоос дөрөвдүгээр сарын 5 хүртэл хатуу хөл хорио тогтоохгүйгээр “улбар шар* түвшин буюу өндөржүүлсэн бэлэн байдлын зэргийг хадгалах шийдвэр гаргажээ.
Энэ үеэр Шадар сайд С.Амарсайхан: Нөхцөл байдлыг та бүхэн мэдэж байгаа. Бид гуравдугаар сарын 29-ний өдөр хүртэл шар түвшнээс улбар шар түвшинд шилжиж ажиллаж байгаа.
Дөрөвдүгээр сарын 5-ны өдрийг хүртэл улбар шар түвшиндээ буюу халдвар хамгааллын дэглэмээ ягштал баримталж, хамтран ажиллах шийдвэрийг Улсын онцгой комиссоос гаргалаа. Харин аж ахуйн нэгжүүдэд тусгайлсан зохицуулалт, зөвлөгөө гаргана. Зарим үйлчилгээний байгууллагууд богино цагаар ажиллах, халдвар хамгааллын дэглэм чанд сахих нь зүйтэй гэж үзлээ. Маргааш Засгийн газрын хуралдаанд танилцуулна.
