Нийслэлийн 9 дүүргийн 35 цэгт 48 дархлаажуулалтын баг нийтдээ 420 гаруй ажилтан ажиллаж байгаа бөгөөд өчигдрийн байдлаар 9.470 хүнийг вакцинжуулсан.
ХӨСҮТ-ийн албаны дарга О.Дашпагма: Дархлаажуулалт эхэлснээс хойш өчигдрийн байдлаар нийтдээ 30.446 хүнийг дархлаажуулсан байна. Үүнд
- 47.1 хувь нь төрийн болон хувийн хэвшлийн эрүүл мэндийн байгууллагын ажилчин
- 16.6 хувь нь хариу арга хэмжээний багт ажиллаж байгаа бусад салбарынхан
- 11.3 хувь нь бусад тасралтгүй ажиллах салбарын ажилчид, дайчлагдан ажиллах хүмүүс байна
Вакцин хийлгэсний дараа бол хариу урвал гарсан. Гэхдээ ноцтой хүндрэл гараагүй. Вакцинд хамрагдсан нийт хүмүүсийн 60 хувьд нь халуурах шинж тэмдэг илэрнэ гэж вакцины зааварт мэдээлсэн. Мөн 40-50 хувьд нь хэсэг газар өвдөх, томуугийн шинж тэмдэг илэрнэ.
Мөн вакцин хийлгэснээр халдвараас шууд хамгаалагдаж байна гэсэн үг биш. Цар тахлын эсрэг энэ вакцин нь хоёр удаагийн тунгаар дархлаажуулж байгаа бөгөөд бүрэн тунг хийлгэснээс 14-21 хоногийн дараа дархлаа тогтоно гэдгийг санах хэрэгтэй.
Өнөөдрөөс нийслэлийн 9 дүүргийн 46 байршилд 94 баг гарч 1200 орчим хүний бүрэлдэхүүнтэйгээр дархлаажуулалтыг зохион байгуулна. Хамрагдах хүмүүс нь
- Улс болон хувийн хэвшлийн вакцинд хамрагдаагүй байгаа эрүүл мэндийн байгууллагын ажилчид
- Үйл ажиллагааг нь тасралтгүй явуулах байгууллагын ажилчид
- Худалдааны байгууллагууд
