Монгол Улсад өчигдрөөс эхлэн Энэтхэг улсын вакциныг хийж, үндэсний дархлаажуулалтаа эхэлсэн. “Ковошилд* вакцин нь аденовирусийн векторт суурилсан үйлдвэрлэсэн АстраЗенека үйлдвэрийн рекомбинант вакцины нэг хувилбар юм. Энэ вакцин коронавирусийн эсрэг дархлаа тогтоох зорилготой. 18 дээш насны бүх хүнд вакциныг хийнэ. Нэг хүн тун нь 0.5 мл, нэг флаконд 10 хүн тунгаар савлагдсан. Вакцин нь өнгөгүй, шингэн. Насанд хүрэгчдэд 0.5 мл-ээр булчинд тарьж байгаа.
Манай орны хувьд ДЭМБ-аас зөвлөсний дагуу
- Эрүүл мэндийн байгууллагын ажилтан. Тэр дундаа ХӨСҮТ, Цэргийн төв эмнэлэг, дүүргийн эрүүл мэндийн албаныхныг нэн тэргүүнд дархлаажуулна.
- Халдварын голомтод ажиллаж байгаа онцгой байдал, цагдаа, мэргэжлийн хяналт, хил гаалийн байгууллагын ажилтан
- 50 ба түүнээс дээш насны хүмүүс. Архаг хууч өвчтэй, хөгжлийн бэрхшээлтэй иргэд гэх мэт дарааллаар хийнэ.
Коронавирусийн эсрэг вакциныг хийлгэж болохгүй эсрэг заалт нь
- Вакцины найрлагад орсон бодист харшилтай
- Эм, ялангуяа антибиотикт харшилтай
- Өмнө нь ямар нэгэн вакцин хийлгээд шоконд болж байсан
- Сүүлийн нэг жилийн хугацаанд таталт өгсөн
- Мэдрэлийн үрэвслийн хам шинжийн үед
- 38.5 хэмээс дээш халуунтай
- Дархлал дутагшилтай
- Гормон эмчилгээ болон дархлаа дарангуйлах, дархлаа сэргээх эмчилгээ хийлгэж байгаа хүмүүс
- Хавдрын эмчилгээний эсрэг эм хэрэгтэй байгаа үед
- Жирэмсэн эмэгтэй. Гэхдээ хөхүүл эмэгтэйд вакцин хийж болно.
