Засгийн газрын хэвлэл мэдээллийн албаны дарга Ц.Ганзориг “Нэг хаалга-Нэг шинжилгээ” явцын талаар мэдээлэл хийлээ. Тэрбээр, “Өнгөрсөн 24 цагийн хугацаанд 58 тохиолдол нэмж бүртгэгдлээ. Үүнээс 2 нь “Нэг хаалга-нэг шинжилгээ” хүрээнд илэрсэн. Ингэснээр өргөжүүлсэн танадалтын хүрээнд нийт 6 тохиолдол батлагдсан бөгөөд гэр бүлийн 5 хүнээс мөн халдвар илэрч 11 боллоо. Батлагдсан тохиолдлуудын хувьд
- БЗД-ийн 3, 26 хороо
- БГД-ийн 25 дугаар хороо
- СХД-ийн 39 дүгээр хороо
- ХУД-ийн 2 хороо
- ЧД-ийн 2 хорооноос халдвар илэрсэн.
Халдвар илэрлээ гээд айж сандрах зүйл байхгүй. Мэргэжлийн баг голомтыг ариутгах ажлыг шуурхай авч хэрэгжүүлж байна. Халдвар хамгааллын дэглэм зөрчиж гэрээсээ гарах нь эрсдэлтэй байгааг үүгээр харуулж байна.
Үлдсэн 9 хоногт шинжилгээг хэрхэн авах талаар танилцуулбал
Өнөөдрөөс Сонгинохайрхан дүүргээс эхлэн “Нэг хаалга-Нэг шинжилгээ”-г авна. Шинжилгээг энэ сарын 16-н хүртэл авна. Энэ дүүрэгт 54.261 өрх бий.
2021.02.18-аас Баянгол дүүргийн иргэдээс шинжилгээ авна. 32.800 өрх бий.
2021.02.19-нд Чингэлтэй дүүргийн 23.765 өрхийг шинжилгээнд хамруулна
2021.02.20-нд Сүхбаатар дүүргийн 22.861 өрхийг шинжилгээнд хамруулна.
