Монгол Улсын Ерөнхий сайд эрүүл мэндээ хамгаалж, эдийн засгаа сэргээх 10 их наяд төгрөгийн цогц төлөвлөгөөг танилцууллаа. Энэ үеэр 2021 оны гуравдугаар сарын 1-нээс өмнө хүн амын 60 хувийг вакцинжуулахаа хэллээ. Тэрбээр, “Бид цар тахлын эсрэг хариу үйлдэл хийх хэрэгтэй байна. Өмнөх Засгийн газрын цар тахлын үеийн бодлогууд оновчтой байсан. Энэ суурин дээр бид ирээдүйг харна.
Ирэх гуравдугаар сарын 01-нээс эхлэн хүн амын 60 хувь буюу 18-аас дээш насны хоёр сая гаруй иргэнийг вакцинжуулна. Нийтдээ 1.9 сая хүнийг тодорхой эрэмбийн дагуу вакцинжуулна. Эхний ээлжинд 300 000 тун вакцин ирнэ.
Эн тэргүүнд эрүүл мэндийн салбарын хүмүүс, экспортын чиглэлд ажиллаж буй жолооч, ахмадууд болон суурь өвчтэй хүмүүсийг хамруулахаар төлөвлөж байна. Бид энэ тал дээр БНХАУ, ОХУ, Энэтхэг, Япон улсуудын Засгийн газартай хамтарч ажиллаж байна.
