Өчигдөр төв талбайд болсон цуглааны үеэр ХӨСҮТ-ийн шуурхай хариу арга хэмжээний баг очиж ажиллаж, иргэдээс шинжилгээ авч байна коронавирус гарсан байх магадлал өндөр байна гэж цахим орчинд шуугиж эхэлсэн.
Энэ талаар ХӨСҮТ-ийн Тандалт, судалгааны албаны дарга А.Амбасэлмаа: Төв талбай дээр цугларсан иргэдээс эмнэл зүйн шинж тэмдэг илэрсэн талаар дуудлага ирсэн. Олон хүний дунд ханиалгасан, халуурах буюу амьсгалын замын өвчлөлийн шинж тэмдэг илэрсэн гэх хоёр хүнийг тусгаарлаж шинжилгээ авахад эхний шинжилгээгээр коронавирус илрээгүй.
Ер нь халдвар тархах эрсдэл өндөр байгааг бид байнга хэлж, анхааруулсаар байгаа. Өчигдрийн батлагдсан тохиолдлуудын нэгийнх нь эх уурхай тодорхойгүй байгаа. Тухайн хүний халдварын эх уурхайг тогтоохоор ажиллаж байна. Тиймээс иргэд өөрсдөдөө халдвар хамгааллын маш өндөр шаардлага тавьж байгаарай. Эрсдэл өндөр байна* гэдгийг анхаарууллаа.
