Эрүүл мэндийн яамны ахлах шинжээч Д.Нарангэрэл: Манай улс хөл хорионы дэглэмийг авч хэрэгжүүлсэн. Хөл хориог сулруулах бүрт өвчлөл нэмэгдэж байна.
Мөн нэгдүгээр сарын 8-наас хойш хүн амын хөл хөдөлгөөн ихсэж байгаа талаар судалгаа гарчээ. Ингэж хүмүүсийн дунд бөөгнөрөл ажиглагдах нь эргээд иргэдийн дунд халдвар гарах эрсдэлийг үүсгэж байна. Хүний хөдөлгөөн ихээр нэмэгдэж байгаа тул халдвар тархах эрсдэл өндөр болж байна.
Иймээс аль болох олноороо бөөгнөрөхгүй байх, халдвар хамгааллын дэглэмээ сайтар сахихыг санууллаа.
Мөн хөл хориог сулруулсантай холбоотой Сар шинийн бэлтгэл ажил эрчимжиж, орон нутгийн иргэд Улаанбаатарт ирэх хөдөлгөөн нэмэгдсэн гэнэ. Түүнчлэн цахимаар үзэсгэлэн худалдаа зохион байгуулах, хямдралтай худалдаа зохион байгуулж байгаа нь халдварын нөхцөл байдал хүндэрч болзошгүй байгааг иргэдэд сануулсан юм.
Энэ жил УОК, Засгийн газраас Сар шинийн баярыг тэмдэглэхгүй байх захирамж гарсан тул бараа материал ихээр худалдан авахгүй байхыг онцолсон юм.
