Сүү, сүүн бүтээгдэхүүний үйлдвэрүүдэд шалгалт хийлээ

Хүнс, хөдөө аж ахуй, хөнгөн үйлдвэрийн яамны Салбарын хяналтын газраас зохион байгуулж буй “Хүнсний аюулгүй байдал” сэдэвт аяны хүрээнд Сүү, сүүн бүтээгдэхүүний үйлдвэрүүдэд Хүнсний бүтээгдэхүүний аюулгүй байдлыг хангах тухай хууль, ЗГ-ын 2011 оны 304 дүгээр тогтоолоор батлагдсан “Сүү, сүүн бүтээгдэхүүний үйлдвэрлэл, худалдаанд мөрдөх техникийн зохицуулалт”-ын хэрэгжилтэд хяналт шалгалт хийж байна.

Шалгалтаар хүнсний түүхий эд, бүтээгдэхүүний агуулах нь MNS 5364:2011 стандарт,  шошгын мэдээлэл нь MNS 6648:2016 стандартын шаардлага хангаагүй /сүүний шошгод тэмдэглэсэн тослогийн хэмжээ нь лабораторийн шинжилгээний үзүүлэлтээс зөрүүтэй, шар сүүний ундааны шошгод уургийн агууламжийг лабораторийн шинжилгээнд хамруулалгүйгээр шар сүүнд агуулагдаж буй уургийн агууламжаар тэмдэглэсэн/  хэрэглэгчдийг төөрөгдүүлсэн мэдээлэл тавьсан зөрчилд Зөрчлийн тухай хуулийн холбогдох заалтаар торгууль ногдуулж, хууль тогтоомжийн хэрэгжилтийг хангуулахаар хугацаатай үүрэг даалгавар хүргүүлэн ажиллалаа.