tsenzuurmn
Баянгол дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, Баянгол дүүргийн Замын цагдаагийн хэлтэстэй хамтран жил бүр уламжлал болгон зохион байгуулдаг “ЗАМЫН ХӨДӨЛГӨӨНИЙ ЦАГААН ТОЛГОЙ” тэмцээн өнөөдөр /2024.04.29/ амжилттай болж өндөрлөв.
Тэмцээнд төрийн өмчийн 17, хувийн өмчийн нэг цэцэрлэгийн нийт 180 хүүхэд оролцсон нь өмнөх жилүүдээс цар хүрээгээ тэлж, багш сурган хүмүүжүүлэгчид болон эцэг эх, асран хамгаалагчдын идэвх оролцоо нэмэгдсэн онцлогтой байлаа.
Багууд мэндчилгээ, гэрийн даалгавар, буухиа, урлагийн тоглолт төрлөөр оюун ухаан, авхаалж самбаа, хурд хүчээ сорьж өрсөлдсөнөөс
– 197 дугаар цэцэрлэг ТЭРГҮҮЛЖ,
– 87 дугаар цэцэрлэг ДЭД БАЙР,
– 94 дүгээр цэцэрлэг ГУТГААР БАЙР-т шалгарсан.
Харин ТУСГАЙ БАЙР-ыг 198 дугаар цэцэрлэг эзэлж, “ШИЛДЭГ ЗОХИЦУУЛАГЧ”-аар 198 дугаар цэцэрлэгийн багийн ахлагч тодорсон юм.
Тэмцээндээ идэвх, санаачлагатай оролцсон нийт баг тамирчдадаа баяр хүргээд дараагийн тэмцээн уралдаанд нь амжилт хүсье.
0 cэтгэгдэлтэй