Сүүлийн үед бага насны хүүхдүүдийн дунд томуугийн халдварт өвчин их гарч, маш хурдан хатгаа болж байгааг эцэг эхчүүд хэлж байна. Томуу, томуу төст өвчнөөр өвчилсөн хүүхдүүд халуурах, бөөлжих, гүйлгэх, шинж тэмдэг илэрч байгаа аж. Иймээс бид томуугийн тархалтын талаар болоод хүүхдүүдийн дунд гараад байгаа энэ ханиад нь ямар төрлийн томуу вэ, эсвэл коронавирусын ямар нэгэн хувирсан төрөл биш үү гэсэн асуултыг Эрүүлийг хамгаалахын гавъяат ажилтан Д.Нарангэрэлээс тодрууллаа.
Тэрбээр, ХӨСҮТ-ийн төвийн томууны нэгжийн гаргасан судалгаанаас харахад синцентиаль вирусийн тархалт өндөр байна. Энэ вирус маш өндөр халуурдаг, 0-5 насны хүүхэд хатгалгаа болж хүндэрдэг талаар хэллээ.
Мөн тэрбээр, сүүлийн үед хүмүүс ковидын нөхцөл байдал арилсан гээд амны хаалтаа зүүхгүй, халдвар хамгааллын дэглэмээ баримтлахгүй байна. Энэ талаар хийсэн судалгааг харахад хүн амын дөнгөж 40% нь амны хаалт хэрэглэж байна. Иргэдийн энэ тайвширч амны хаалт зүүхээ больсон байдал томуу тархах нөхцөлийг бүрдүүлж байна. Цар тахал ид дэгдэж байхад иргэд амны хаалтыг сайн хэрэглэж байсан. Түүнийхээ хүчинд цар тахлын оргил үеийг хохирол багатай даван туулсан. Тиймээс хүн бүр амны хаалтыг амьдралын хэвшил болгох хэрэгтэй. Тэгж байж л хүн төрөлхтөн эрүүл аж төрнө. Цар тахал дуусах болоогүй гэж хэлье гэлээ.
