Засгийн газрын хуралдаанаар Ерөнхий сайдын зүгээс төрийн золголт хийхгүй байх, айл, өрх, иргэд цомхон хүрээнд тэмдэглэх буюу өргөн хүрээнд тэмдэглэхгүй байх зөвлөмжийг гаргах үүрэг чиглэлийг УОК-т өгсөн байна.
Энэ талаар Ерөнхий сайдын хэвлэлийн төлөөлөгч Ч.Болортуяа: УОК-оос цар тахлын эсрэг авч байгаа хариу арга хэмжээ,дэлхий даяар хурдтай тархаж байгаа Омикрон вирусийн эсрэг авах хариу арга хэмжээний талаар Ерөнхий сайд тодорхой чиглэл өглөө. Мөн Оюутолгой төсөлтэй холбоотой УИХ-д өргөн мэдүүлэх тогтоолын төслийг баталсан.
Цар тахлын нөхцөл байдалтай уялдуулан Ерөнхий сайд өнөөдөр бас нэгэн үүрэг чиглэлийг өглөө. XVII жарны “Буян үйлдэгч” хэмээх усан бар жилийн Билгийн тооллын хаврын тэргүүн сарын шинийн нэгэн 2022 оны хоёрдугаар сарын 2-ны өдөр тохиож байна. Цагаан сарын баяр ойртож байгаатай холбогдуулан Ерөнхий сайдын зүгээс төрийн золголт хийхгүй байх, айл, өрх, иргэд цомхон хүрээнд тэмдэглэх буюу өргөн хүрээнд тэмдэглэхгүй байх зөвлөмжийг гаргах үүрэг чиглэлийг УОК-т өгсөн.
