ЭМЯ-ны хэвлэл мэдээлэл, олон нийттэй харилцах зөвлөх Б.Ууганбаяр: Сүүлийн 24 цагийн хугацаанд коронавирусын 785 тохиолдол шинээр нэмэгдлээ. Улсын хэмжээнд нийт батлагдсан тохиолдол 55852 боллоо. Эдгээрээс 729 нь Улаанбаатар хотод бүртгэгдсэн бол орон нутагт 56 тохиолдол нэмэгдлээ.
Үүнээс 48749 хүн эдгэрсэн байна. Сүүлийн 24 цагийн хугацаанд 75 хүн эдгэрч гарсан байна. Эмнэлгээс 75 хүн эдгэрч гарсан.
Коронавируст халдварын улмаас дөрвөн хүн нас барсан харамсалтай мэдээ байна. Нийт нас баралт 263 боллоо.
– 78 настай эмэгтэй тавдугаар сарын 14-нд онош батлагдаж эмнэлэгт хэвтэн эмчлүүлж байгаад коронавирусийн халдварын нэн хүнд хэлбэрээр нас барлаа.
– 79 настай эмэгтэй тавдугаар сарын 12-нд онош батлагдаж эмнэлэгт хэвтэн эмчлүүлж байгаад коронавирусийн халдварын нэн хүнд хэлбэрээр нас барлаа.
– 46 настай эрэгтэй тавдугаар сарын 12-нд онош батлагдаж эмнэлэгт хэвтэн эмчлүүлж байгаад коронавирусийн халдварын нэн хүнд хэлбэрээр нас барлаа.
– 66 настай эрэгтэй тавдугаар сарын 15-нд онош батлагдаж эмнэлэгт хэвтэн эмчлүүлж байгаад коронавирусийн халдварын нэн хүнд хэлбэрээр нас барлаа.
Коронавирусийн шалтгаант бус нас баралт нэгээр нэмэгдсэн. 33 настай эмэгтэй барилга дээрээс унаж, эмнэлэгт хэвтэн эмчлүүлж байгаад /коронавирусийн халдвар хавсарсан байдлаар/ нас барсан.
ХӨСҮТ, Цэргийн төв эмнэлэг, Эх нярай, эмэгтэйчүүдийн 2-р эмэнэлэг болон бусад орон нутаг, дүүргийн эмнэлгүүдэд нийт 4249 хүн эмчилгээнд байна. Биеийн байдал маш хүнд 122, хүнд 468, хүндэвтэр 1485, хөнгөн 2174 хүн байна.
Гэрийн хяналтад 2568 хүн байна.
