Төв аймгийн Мөнгөнморьт сумын Байдраг багийн “Зүүн Байдлагын-Адаг” гэдэг газар энэ 22-ны өдрийн 17:00 цагийн орчим 4 хүн “Байдраг” голын эрэг дээр автомашиндаа согтууруулах ундааны зүйл хэрэглэж байгаад иргэн С голын усанд унаж осолджээ.
Тус аймгийн Онцгой байдлын газрын Гал түймэр унтраах, аврах 75 дугаар анги, Цагдаагийн хэсгийн алба хаагчид 30 км замыг туулан 19:28 цагт очиж, эрэн хайх ажиллагааг зохион байгуулж, мөн өдрийн 20:28 цагт нийслэлийн Сонгинохайрхан дүүргийн харьяат иргэн С /62 настай, эрэгтэй/-ын цогцсыг осолдсон газраас 6 метрийн зайд “Байдраг” голын уснаас олж, Цагдаагийн байгууллагад шилжүүлэн өгсөн.
