Коронавируст халдварын нөхцөл байдлын талаар Эрүүл мэндийн яамнаас мэдээлэл хийлээ. ЭМЯ-ны хэвлэлийн ажилтан Б.Ууганбаяр: Сүүлийн 24 цагт коронавирусийн халдвар илрүүлэхээр 10,000 гаруй хүнээс шинжилгээ авах явцад 1,328 хүнээс халдвар илэрлээ. Ингэснээр халдварын тоо 26,692 болж байна.
Халдварын 1245 нь Улаанбаатар хотод, 80 нь орон нутагт, 3 зөөвөрлөгдсөн тохиолдол бүртгэгджээ. Сүүлийн 24 цагт 5 хүн нас барлаа. Нас баралтын тоо 61 боллоо.
