Өнгөрсөн 24 цагийн хугацаанд 885 коронавирусийн тохиолдол шинээр илэрлээ. Ингэснээр Монгол Улсын хэмжээнд бүртгэгдсэн нийт халдварын тохиолдол 16,603 боллоо.
Харин коронавирусын улмаас 2 хүн нас барлаа. 20 настай болон 61 настай эрэгтэй нас барсан. Сүүлийн үед коронавирусын халдварын улмаас нас баралт нэмэгдэж байна. 4 сарын 11-ний байдлаар 25 хүн нас бараад байна. Сүүлийн 7 хоногт 10 гаруй хүн нас барлаа.
Нас баралтын дийлэнх нь хавсарсан өвчтэй тохиолдлууд эзэлж байна. Нөгөө талаар халдвартайгаа оройтож мэдсэний улмаас хүндрэх эрсдэл байгаа тул иргэн бүр халдвар хамгааллын дэглэмээ зайлшгүй мөрдөх шаардлагатай.
Эмчлэгдэж байгаа иргэдийн 1910 хүн хөнгөн, 610 хүний биеийн байдал хүндэвтэр, 127 хүн хүнд, 20 хүний биеийн байдал маш хүнд байна.
