Сангийн сайд Б.Жавхлан: Хөл хорио гэдэг бол иргэдийн хөлийг хориод зогсохгүй эдийн засгаа нийтэд хорино гэсэн үг. Тиймээс энэ хугацаанд иргэд маань хувийн хариуцлагаа өндөр байлгах ёстой болж байна. Хэн ч хатуу хөл хорионы дэглэмд шилжихийг хүсэхүй байгаа.
Бид эрүүл мэндээ хамгаалж, эдийн засгаа сэргээхийн тулд хорио цээрийн дэглэмийг дор бүрнээ чандлан сахиж байж амжилтад хүрнэ. НӨАТ-ын татвар 421 тэрбум төгрөг байлаа. Энэ нь өнгөрсөн оноос 18 хувиар, 2019 оны мөн үетэй харьцуулахад 10 хувиар өссөн байна. Гуравдугаар сарын 1-н буюу 10 их наяд төгрөгийн хөтөлбөр хэрэгжсэнээс хойших 14 хоногийн дотор 594 НӨАТ төлөгч шинээр бүртгэгдсэн. Өөрөөр хэлбэл, 2019 болон 2020 оны түвшнээс 2.5-3.5 дахин нэмэгдсэн. Тэгэхээр зах зээлд оролцогч ААН, иргэдийн эдийн засаг сэргэнэ гэсэн эерэг хүлээлт нэмэгдэж байгааг илтгэж байна.
Төрийн зүгээс эдийн засгийн салбарыг онцгой дэмжиж байгаа. 3 хувийн хүүтэй ажлын байрыг нэмэгдүүлэхэд чиглэсэн зээлд 417 зээлдэгч хамрагдсанаас 97 нь ААН, 327 нь бичил бизнес эрхлэгч байна. Цаашид ч энэ зээлжих хөтөлбөр маань тогтмол хэрэгжинэ.
Нийт 2 их наяд төгрөгийн ийм зээл гаргана гэж төлөвлөсний 2.7 хувь нь 400 гаруй зээлдэгчид очсон гэсэн үг. Тиймээс эдийн засгаа хүчирхэгжүүлсний үр дүнд эрүүл мэндээ хамгаална.
14 хоногийн хугацаанд 417 үйлчилгээнд хүрнэ гэдэг бол эдийн засгийг идэвхжүүлэх сайн үйл хэрэг болж байна гэж дүгнэж байна.
Эдийн засгийн энэ циклийн үед хорио цээрийн дэглэмээ сайн сахиж, хүнд хөл хорионд шилжихгүйгээр эдийн засгаа ч аварч, хүн амын эрүүл мэндээ ч хамгаалъя гэж хичээнгүйлэн хүсэж байна.
