ХӨСҮТ-ийн дэд захирал Э.Тэмүүлэн: 2021.03.19-ны өдөр 24482 хүнд шинжилгээ хийснээс ковид-19 халдварын 160 тохиолдол илэрч нийт тохиолдол 4658 боллоо.
Дотоодод халдвар авсан хүний тоо 4125 боллоо. Улаанбаатарт 160 тохиолдол нэмж бүртгэгдлээ. Ингэснээр нийт өвчлөл 3607 боллоо.
Сүүлийн 24 цагийн хугацаанд нийт 84 хүн эдгэрснээр нийт 3296 болсон. Энэ нь халдвар авсан хүний 71 хувь эдгэрч гарсан сайн мэдээтэй байна.
Гадаадаас зөөвөрлөгдсөн халдвар илрээгүй бол өнөөдрийн 160 халдварын 160-уулаа нь Улаанбаатарт бүртгэгдлээ.
Сүүлийн 24 цагт бүртгэгдсэн 160 тохиолдлын 141 нь ойрын хавьтал байна. Халдварын эх уурхай нь тодорхойгүй 19 тохиолдол байна.
Халдварын нөхцөл байдал өдөр ирэх тусам хүндэрч байна. Тиймээс иргэд та бүхэн минь маскаа зүүж, гараа ариутгаж, агаар сэлгэлт хийх, хүн хоорондын зайгаа барьж, ариутгал халдваргүйтгэлийг тогтмол хийж байгаарай гэж хүсэх байна.
