Сүүлийн 24 цагийн байдлаар коронавируст халдварын 80 тохиолдол нэмэгдэж, Монгол Улсад бүртгэгдсэн нийт тохиолдол 3561 болжээ. Эдгээрээс 80 хувь нь эдгэрсэн юм.
Гэвч харамсалтай нь халдвар авсан 4 өвчтөн нас бараад байна. Хамгийн сүүлд 21 хоног эмчилгээ хийлгэж байсан халдвартай нэг иргэн нас барсан талаар ХӨСҮТ-ийн Дэд захирал Э.Тэмүүлэн хэллээ.
Тэрбээр “Коронавирусийн халдвар аваад 21 дэх хоногтоо эмчлэгдэж байсан 76 настай эмэгтэй нас барсан харамсалтай мэдээг дуулгая. Тухайн иргэн 20 хоногийн турш эрчимт эмчилгээний тасагт эмчлэгдэж байгаад коронавируст халдвар нь уушгины тархмал хатгаа болон хүндэрч нас барсан байна. Монгол Улсын хэмжээнд коронавируст халдварын шалтгаант нас баралт 4 бүртгэгдлээ* гэсэн юм.
