Боловсрол, шинжлэх ухааны сайд хувийн цэцэрлэг, сургуульд сар бүр улсаас олгодог хувьсах зардлыг ирэх сараас зогсоохоо мэдэгдэв. Хөл хорионы үеэр нүүр номоороо дамжуулан мэдээлсэн салбарын сайдын үг олон нийтийг талцуулаад байна.
Л.Энх-Амгалан “Өндөр төлбөртэй хувийн сургуульд улсаас олгодог хувьсах зардлыг ирэх сараас зогсооно. Улаанбаатарт 5 сая төгрөг хүртэлх төлбөртэй 106 сургууль, 5-10 сая төгрөгийн төлбөртэй 12 сургууль, 10-аас дээш сая төгрөгийн төлбөртэй найман хувийн сургууль байна. Би өндөр үнэтэй буюу 10 сая төгрөгөөс дээш төлбөртэй сургуульд хувьсах зардлыг өгч чадахгүй* гэв.
Мөн тэрбээр “10,0 сая төгрөгийн төлбөр авчихаад танхимаар биш цахимаар хичээллээд, цахилгаан, дулаан, ус, хогны мөнгө 0, багш ажилчдынхаа НДШ ыг хөнгөлүүлчихээд хувьсах зардал авна гэж “луу унжихгүй* байлгүй дээ, Улсын хэмжээнд 174.000 хүүхэд гэрэлгүй, гар утасгүй, теле хичээлээ үзэж чадахгүй байна* хэмээв.
Хэрэв хувийн сургуульд олгодог хувьсах зардлыг танавал сургалтын төлбөр нэмэгдэнэ хэмээн эсрэгүүцэгчид цахим орчинд давалгаална. Нөгөө талаар дээрх хувьсах зардлаар улсын буюу төрийн өмчит сургуулиудын өнгө төрхийг өөрчилж, хүүхдийн аятай тухтай суралцах орчныг бүрдүүлэх нь зүйтэй хэмээн талцав.
2020 оны төсөвт төрийн бус өмчийн сургуулийн хувьсах зардал болон үдийн цайны санхүүжилт 13.3 тэрбум төгрөг батлагдсан бол 2021 оны төсөвт 8.8 тэрбум төгрөг буюу өмнөх оныхоос 4.5 тэрбум төгрөгөөр буурч батлагджээ.
.jpg)
.jpg)
