“Нэг хаалга-нэг шинжилгээ* коронавирусийн халдвар илрүүлэх PCR шинжилгээ өгсөн иргэд шинжилгээ өгснөөс хойш хариу гарах хүртэлх үйл явцыг онлайнаар хянах боломжтой гэнэ.
Иргэн шинжилгээ өгснийхөө дараа eruul.gerege.mn вэб сайтад хандаж, регистрийн дугаараа оруулаад шинжилгээ өгсөн цэгийн байршил, цаг болон шинжилгээнд өгсөн сорьц хаана тээвэрлэгдэж, хариу гарсан эсэхийг харах боломжтой юм байна. Түүнчлэн шинжилгээний хариу гармагц таны гар утсанд зурвасаар илгээхээр зохицуулжээ. Тодруулбал, PCR шинжилгээний хариу өмнө нь 72 цагт гардаг байсан бол 24 цагт гарахыг мэдээллээ.
