Монгол Улсын хилийн байнгын ажиллагаатай 26 боомтоос 12 нь хөдөлгөөнтэй байсан. Үүнд Буянт-Ухаа боомт дээр карго ачааны 2 онгоц буусан. Мөн Ховд-Улаанбаатарын чиглэлд ирсэн дотоодын нислэг дээр хяналт тавин ажилласан байна.
Замын-Үүд боомт хөдөлгөөнтэй ажиллаж байгаа. Сүүлийн үед Замын-Үүд боомтоор ачаа, тээврийн хөдөлгөөн нэмэгдсэн. Коронавирусийн хариу арга хэмжээтэй холбоотой нэг хэсэг хөдөлгөөн буурсан байсан. Одоогоор өдөрт 150-160 ачааны машин нэвтэрч байна. Машиныг ногоон бүсийн журмаар, жолооч нарыг сэлгэлтийн зарчмаар зохион байгуулж байна.
Сүхбаатар боомтоор 22 ачааны галт тэрэг эргэлтэд орж байна. Алтанбулагийн боомт Засгийн газрын тогтоолын дагуу ажиллахгүй байгаа. Ирэх сарын 1-нээс ажиллана. Энэ хүрээнд экспортлогч, импортлогч оронд мэдээлэл дамжуулахад хүнс, эм ханган нийлүүлэлт импортоор татан авалт хийгдэнэ. Гарагийн системээр явагдана. Тодруулбал, 2021.02.01-нээс 7-ны хооронд ажиллаж, 7 хоног амрах аж.
Эрээнцавын боомт хөдөлгөөнтэй байгаа бөгөөд гарагийн системээр ажиллаж байна. Газрын тос импортлох Засгийн газрын тогтоолын хүрээнд ажиллагаа явуулж байна. 477.2 тонн шатахуун импортлосон.
Бусад боомтууд ажиллаж байна. Үүгээр голдуу ашигт малтмалын экспорт хийгдэж байна. Өчигдрийн байдлаар 8 боомтоор ашигт малтмалын импорт хийгдсэн. Үүнд
- Нүүрсний 955 жолооч
- Төмөрийн хүдрийн 3 жолооч
- Газрын тосны 68 жолооч экспортын тээвэрлэлтийг хятад руу хийжээ.
