УИХ-ын гишүүн С.Ганбаатар өнөөдрөөс эхлэн Сүхбаатарын талбай дээр өлсгөлөн зарлаж байгаагаа мэдэгдлээ. Тэрбээр Сүхбаатарын талбай дээр МАН-ыг Рио Тинто-гийн барьцаанаас чөлөөлж алдагдсан Оюутолгойгоо буцаан авахын тулд өлсгөлөн зарлаж байгаа гэдгээ илэрхийлэв.
С.Ганбаатар “Өнөөдөр Монголын ард түмэн Оюутолгойгоо буцаагаад авах алтан боломж ирлээ. МАН Монголын РиоТинто нам болсон гэдгээ илчиллээ. Рио Тинтотой хэлэлцээр хийх ганц хүн бол Ерөнхий сайд.
Монгол Улсын Ерөнхий сайдуудыг Рио Тинто тавьдаг, халдаг, шахдаг болсон. Ингээд МАН-ын удирдлага дээр байгаа мафийн бүлэглэлүүд Л.Оюун-Эрдэнэ Ерөнхий сайдаараа олон улсын шүүхэд Монголын ард түмний эрх ашгийг төлөөлж сөрөг нэхэмжлэл гаргах хүртэл өлсгөлөн зарлаж байна.
МАН чадахгүй бол надад энэ эрхээ өгчих. Би сөрөг нэхэмжлэл гаргаад өгье. УИХ-ын гишүүн ард иргэдийн өмнө хариуцлага хүлээх гэж сонгогдсон. Би ард иргэдийг өлсгөлөн зарлахыг хүсэхгүй байна. Харин УИХ-ын гишүүд надтай нэгдэж, өлсгөлөн зарлаасай гэж хүсэж байна. Би энэ асуудлаар 16 жил явж байна* гэлээ.
