Энэ сарын 20-нд болсон жагсаалтай холбоотой Ерөнхийлөгчийн хэвлэлийн албаны дарга О.Батханд мэдээлэл хийлээ.
Тэрбээр, Өнөөдөр буюу 2020 оны нэгдүгээр сарын 22-ны өдөр Ерөнхийлөгч Х.Баттулга намайг өрөөндөө дуудаж уулзлаа. Нийслэлд нэгдүгээр сарын 20-ны өдөр тайван жагсаал болсон. Энэ жагсаалыг зохион байгуулсан хүний тоонд О.Батханд миний нэр орсон байна. Би хариуцлагатай албан тушаал хашиж байгаа хүний хувьд энэхүү мэдээллийг хийж байна.
Ямар баримтад үндэслэн Монгол Улсын иргэнийг ямарваа хэрэгт холбоотой болон хамааралгүй болохыг тогтоодог вэ.
Ямар үндэслэлээр Монгол Улсын иргэн Батханд жагсаал, цуглаан зохион байгуулсан байж болзошгүй гэдэг асуудалд нэр холбогдсон бэ.
Би Ардчилсан улсад амьдарч байгаа Монгол Улсын иргэн гэж итгэдэг. Иймээс ямар асуудалд хэрхэн холбогдож байгаа асуух эрх бий.
Би АН-ын гишүүн. 2020 УИХ-ын сонгуулийн 5 дугаар тойрогт нэр дэвшиж байсан. Миний хувьд үзэл баримтлалдаа үнэнч байсаар ирсэн.
2012 оноос хойш АН-ын үйл ажиллагаанд оролцож эхэлсэн цагаас энэ намын олон лидерийн уналт, ололтыг нүдээрээ харж, гэрч нь болж явсан. Иймээс АН-ын гишүүнийхээ хувьд энд зогсож байна. Би хуультай улсад амьдарч байгаа гэж бодож байна.
Жагсаал цуглаан зохион байгуулсан байж болзошгүй гэсэн мэдээлэл маш ихээр гарч байна. Ц.Туваан, Ө.Шижир, О.Батханд гээд олон хүний нэр явж байна. Эрүүгийн хуулийн 13.14-т зааснаар хүний нэр хүндэд халдсан худал мэдээлэл тараах нь өөрөө гэмт хэрэг.
Тухайн өдрийн үйл явдлыг эргэн харцгаая.
Тухайн өдөр “Үнэн ба зөв* намын тэргүүн А.Отгонбаатар Сүхбаатарын талбай дээр гэрийн халад, тавчигтайгаа гэрийн бүлийн хамт ирж жагссан. Мөн УИХ-ын гишүүн асан Л.Гүндалай гээд олон хүн талбай дээр ирсэн. Бүх намын төлөөлөл Сүхбаатарын талбай дээр лайв хийж байсан* гэлээ.
Мөн тэрбээр тэрхүү жагсаал цуглаантай Ерөнхийлөгч болон түүний Тамгын газар холбоогүй болохыг мэдэгдлээ. Улмаар хуулийн байгууллагад хандаж, нэр төрөө сэргээлгэхээр болсноо мэдэгдсэн юм.
Түүнчлэн Тагнуулын ерөнхий газар өөрийг нь тагнаж, чагнахыг санал болгосон юм.
Монгол Улсын Ерөнхийлөгчийн амнаас худал үг, ёс зүйгүй, баримгүй үг гарахгүй гэдэгт би болон ард түмэн итгэж байгаа.
Мөн Ерөнхийлөгчийн өчигдөр УИХ-ын чуулган дээр хэлсэн УИХ-ын гишүүн Сү.Батболдтой холбоотой мэдээлэл баримтаар гарна гэж бодож байна гэсэн юм.
