ХӨСҮТ-ийн ерөнхий захирал Ц.Билэгтсайхан: Манай улсад энэ долоо хоногт ковидын 772 шинэ тохиолдол бүртгэгдсэн. Үүний өмнөх долоо хоногт 357 тохиолдол бүртгэгдэж байв. Халдвар 2 дахин нэмэгдсэн. PCR-ын шинжилгээгээр эерэг хариу гарсан 349 хүн эмчлэгдэж байгаагаас 255 хүн ХӨСҮТ-д хэвтэн эмчлүүлж байна.
Олон улсад BA5-ын 1, BA5-ын 2 зэрэг хэв шинжүүд түгээмэл тархаж байна. Мөн Монголд ковид-19-ийн BF7-1 , BQ1-ийн 2 гэх манай улсад өмнө нь тодорхойлогдож байгаагүй хэв шинжийн вирусийн халдвар илэрлээ.
BF7-1 хэв шинжээр 72 настай эрэгтэй хүн өвчилсөн. Энэ хүн БНХАУ-ын иргэн бөгөөд ОХУ-д ажиллаж байгаад Монголд ирсэн. Зочид буудалд тусгаарлагдан эмчлүүлж байна.
BQ1-ийн 2 шинж оношлогдсон таван хүн бүгд Монгол Улсын иргэн бөгөөд дундаж нас 58. Энэ хүмүүст халуурах, хоолой хөндүүрлэх, амьсгалд давчдах, ядрах зэрэг томуугийн үеийн нийтлэг шинж тэмдэг илэрч байна. Шинэ мэдээлэл учир зарим мэдээлэл хомс байна. Хоёр нь эмнэлэгт, бусад нь гэрийн хяналтад эмчлүүлж байна.
Томуугийн тархалт болон ковид-19-ийн халдвар ихсэж байгаа учир амны хаалт зүүх, зай барих, гараа угаах, дархлаагаа дэмжих зэрэг ковидын үеийн халдвар хамгааллын дэглэмээ барихыг зөвлөж байна.
