2022 оны 10 дугаар сарын 24-ний өдөр Говь-Алтай аймгийн Баян-Уул суманд амьд малын онлайн дуудлага худалдаа, амьд малын спот гэрээний туршилтын арилжаа амжилттай зохион байгуулагдлаа.
Арилжаанд худалдагч талаас Говь-Алтай аймгийн Баян-Уул сумын “Санжин Богд* хоршоо, худалдан авагч талаас мал, мах боловсруулах үйлдвэрүүд цахимаар оролцсон юм.
Амьд малын онлайн дуудлага худалдаанд “Санжин Богд* хоршооноос өсвөр насны 200 толгой хонь, нас гүйцсэн 50 толгой эм хонь дуудлага худалдаагаар зарах захиалга ирүүлж, худалдан авагч талаас цахимаар холбогдон “Зайсан инвест агро* ХХК худалдан авах хамгийн дээд үнийн санал өгч дуудлага худалдааны ялагч боллоо.
Мөн тус өдөр амьд малын спот гэрээний арилжаанд “Санжин Богд* хоршоо нийт нас гүйцсэн эр 100 толгой мал худалдах санал ирүүлснээс “Зайсан инвест агро* ХХК 1 удаагийн хэлцлээр 20 толгой нас гүйцсэн эр хонь амжилттай арилжиж худалдан авснаар цаашид хоршоо, үйлдвэрүүд биржээр дамжуулан амьд малыг дуудлага худалдаанд оролцуулан худалдах, худалдан авах боломж бүрдэж байгаа юм.
