Сөүл хотын Итэвон дүүрэгт болсон сүнсний баярын үеэр үүссэн шахцалдаанд амиа алдагсдын тоо 154-т хүрсэн. Өмнөд Солонгосын Ерөнхийлөгч Юн Сук Ёл гашуудлын өдөр зарласан.
Ослын дараа дэлхийн улс орнуудын удирдагч нар эмгэнэл илэрхийлж, Өмнөд Солонгосын ард түмний уй гашууг хуваалцаж байна. АНУ-ын Ерөнхийлөгч Жо Байден тэргүүн хатагтай Жилл нар хайртай хүмүүсээ алдсан гэр бүлүүдэд гүн эмгэнэл илэрхийлжээ.
Нас барсан иргэний дунд 20 гадаад иргэн байгаа юм.
Монгол Улсын Гадаад харилцааны яамнаас “Сөүлд суугаа ЭСЯ-наас солонгосын цагдаагийн байгууллагатай өнөөдөр өглөө 10:00 цагт холбогдоход ослын улмаас монгол иргэний амь нас эрсдсэн, гэмтэж бэртсэн тохиолдол байхгүй” хэмээн мэдэгдсэн юм.
