Cаяхан “Чингис хаан* хаад, язгууртны музей нээлтээ хийсэн. Тус музейд 12 мянга орчим үзмэртэй бөгөөд 92 хувь нь эх үзмэр, үлдэх хувь нь гадаадын улс орны музей, номын сан, архивт байгаа зарим эд өлгийн зүйлсийн хуулбар, уран бүтээл юм. Өөрөөр хэлбэл “Чингис хаан* музейд дэлгэгдсэн үзмэрийн 92 хувь нь оригинал, үлдсэн хувь нь бүрэн хэмжээнд илэрхийлэгдэж чадахгүй байгаа дурсгалуудыг орчин үеийн технологийг ашиглан сэргээж хийсэн байна.
Тэгвэл тус музейд Монголын нууц товчоог хамгийн анх эх хэлнээ хөрвүүлсэн Цэнд гүнгийн гар бичмэл тавигдсан байна. Гар бичмэлийн эх сурвалж нь ОХУ-ын Санкт Петербург хотын Дорно дахины гар бичмэлийн сан хөмрөгт хадгалагдаж байгаа юм.
Монголчууд “Монголын нууц товчоо”-гоо эх хэлээрээ уншиж эхэлсний 100 жилийн ой тохиосон билээ.
