ШШГЕГ-ын харьяа “Соёмбо” чуулгын дуучин, СТА Энхтайваны Болормаа өнгөрөгч сард Швейцарьт болсон OBWALD олон улсын урлагийн XVI дахь наадамд эх орноо төлөөлөн амжилттай оролцжээ.
Тэрбээр 2013 онд Болгар улсад болсон Ардын язгуур урлагийн наадмын Гранпри шагналыг хүртэж, Монгол Улсын Хөдөлмөрийн баатар, Төрийн шагналт, Зууны манлай уртын дуучин Н.Норовбанзадын нэрэмжит мэргэжлийн уртын дуучдын тэмцээнд тэргүүн байр эзэлж байсан билээ.
Уртын дуучин Э.Болормаа энэ жилийн Үндэсний их баяр наадмын нээлтэд “Уухай” хамтлагийнхны хамт уртын дууны шуранхай өргөсөн юм.
Уртын дуу өв соёлоо тээж, уран бүтээлээ тууривдаг дуучиндаа уран бүтээлийн амжилтыг уншигчдынхаа өмнөөс хүсэн ерөөе.
